3位前星馬騎師轉職從化策騎員

今朝從化試閘名單當中，出試騎師多咗3個陌生名字，包括沙里扎、慕達薩同埋沙霖，呢批新任策騎員，全部來自馬來西亞，都係騎師出身，其中有兩位仲曾經喺新加坡發展。

沙里扎(S Shafrizal)與沙霖(Y Salim)曾經喺星洲發展，前者上季仲以自由身騎師上陣，全季只得11W。而沙霖曾以見習騎師身份喺新加坡出道，不過表現平平，2019年之後退居幕後發展。至於慕達薩(S Mutaza)，過往喺雪蘭莪發展，佢同沙霖一樣喺2019年掛靴後，轉職當地策騎員。

3位前騎師千里迢迢前往從化轉任策騎員，證明呢班星馬失意騎師收入遠不及打香港馬會工，收入來得穩定。此外，近年有來自南非及星馬策騎員應聘從化工作。在此之前，祖里曼亦屬馬來西亞籍人士。

隨着澳門與新加坡賽馬運動，分別於本年3月底與10月底停擺，而目前從化馬場持續發展，人力資源需求甚大，相信澳門及星洲人才，或會成為招攬對象。