東網電視
更多新聞短片
今個禮拜日又見到麥道朗來港客串一日，兼且又見到三班田草1200米，相信大家都會諗蔡約翰嘅「氣勢」會唔會上陣，皆因呢匹3歲PPG近兩仗都喺麥道朗胯下贏三班此程，目前評80分，距離上仗相隔1個月，照計今日又可以跑三班首本路程，但最終卻見唔到佢報名，原來睇番馬匹傷患紀錄，此駒上仗賽後翌日發現右前腿不良於行，最近仲做埋關節鏡手術移除碎骨，相信要休息一段時間。
既然冇咗「氣勢」，周日第9場三班田草1200米，應該係沈集成嘅「華麗再勝」主持大局啩，後駒季內4戰得2冠1亞1季，剛戰亦喺潘頓胯下贏三班此程，姿態輕鬆，今次無疑要多孭10磅，但抽3檔好位，兼且既冇「氣勢」，又唔使對希斯嘅「嘉應高昇」，對手唔強，應該可以把握機會再贏多場。
