東網電視
更多新聞短片
第6場四班1200米「日馳千里」上仗初出跑第4名。
1/2
今季有唔少華將支持下滑，以致爭取頭馬都唔易，潘明輝係其中一位受影響華將。小潘騎功向來穩打穩紮，踏入2024年後，騎者成績亦重納正軌，現時有10場頭馬在手。今期潘明輝策騎7駒上陣，支持度不俗，當中姚本輝提供3駒上陣。
列陣第6場四班1200米田草嘅「日馳千里」，呢匹姚廐質新子彈上仗初出已經跑入一席第4，輸畀季內狀態大勇嘅「快狠準」蹄下表現都唔算差。潘明輝今日(5日)接受訪問時表示，以初出馬而言，「日馳千里」，上場已經算跑得幾好，雖然佢上場敢喺馬群穿上，但其實佢晨操有少少驚聲，同埋出閘都唔算快。上次跑完1次之後，隻馬晨操都更加上力，持續進步緊，相信日後前景唔錯。
「日馳千里」今場抽11檔起步，對於新馬而言的確唔易應付，小潘就話都要再同輝哥傾戰略，相信都要視乎出閘狀況再決定跑法。
潘明輝操實「日馳千里」(近鏡)。
