東網電視
更多新聞短片
跑馬地今晚A欄夜賽掛牌「好地」。
跑馬地今晚恢復夜賽檔期，共編8場草地賽事，以全闊A欄賽道進行競逐，頭場開跑時間為晚上7時10分，就今晨場地掛牌，預測為「好地」，度地儀指數為2.72。
今日天氣大致正常，而且經過連續三次沙田日賽之後，跑馬地自9月25日舉行完賽事之後，輪空2星期，有充分時間進行場地保養，場地狀況肯定相當理想，臨場隨時大有機會愈跑愈快。
新季只於開鑼夜戰跑過一次A欄賽事，既然場地情況理想，以一貫A道賽事模式，跑法主動馬匹至為着數，尤其於短途賽事佔盡優勢，正如開鑼夜戰，當中5場短途賽事，頭兩場勝出馬匹俱係一放到底，其餘場合都係守處好位伺機而動，甚至於一哩場合，亦有「喜蓮勇感」段段快一放到底。
對於今晚賽事，既然在理想場地角逐，跑法行先自然着數，而騎師指標方面，潘頓雖然仲未回復上季谷草威力，但同布文兩位澳洲高手，都係上季谷草A欄最佳成績兩位，以兩位今期各擁惡馬在手，始終係重心所在。
