【獨門秘技】呢隻「金剛」要重振聲威

「金剛」系綵衣夠資深，但原來已有兩年未贏，對上一次頭馬為2022年10月5日的「神朗金剛」，現役有3駒，「神虎金剛」7戰全敗，「神異金剛」未曾出賽，而列陣今次第1場五班1800米的「神煞金剛」，又係跑7次全敗，不過今次有可博之道。

「神煞金剛」同程上季跑過一次，得第7名輸4個多馬位，末段保持走勢演出不算差，今季落到五班有利，初出田草一哩外檔大半程三疊包尾，末段追回不少失地。而上次田草1800米，又係留後而中段突外疊發力，試馬味濃，今仗換人轉配備返泥地，小心。■西門獨