龍文鞭影再現馬場 　枕頭大王囝囝新貴命名

馬主馬漢傑，九十年代曾有匹馬叫「龍文鞭影」，當時由賓康訓練，仲要響新馬賽一出即勝，相信好多資深馬迷都有印象，到今日呢位馬主新貴K226，又叫番做「龍文鞭影」，大家回憶返晒嚟喇~呢隻3歲新西蘭自購新馬，隸屬沈集成馬房，各位要留意喇。

另外，有枕頭大王之稱嘅許章榮，昔日養過唔少馬如「酣睡密碼」、「睡德福」同埋贏過澳港盃的團體馬「馬上發財」都係南非馬，到今日佢公子許思偉剛改名「枕頭之星」嘅新貴，亦都係來自南非馬。今日新馬命名有匹馬名都好特別，就係倫家樑匹「皇金合」，馬名與同家族倫凱詩的「合金皇」係一樣，不過調轉來讀咋。