東網電視
更多新聞短片
「太陽勇士」上仗初配潘明輝即入Q。
相信開季前，不會有太多人估到，潘明輝能夠有機會爭取騎師賽一席位，現時騎者與田泰安頭馬相同，但就亞軍較少，在田泰安停賽的一天，必然會全力爭取頭馬。而潘明輝坐騎中，除了昨文曾品題的「電路七號」外，第8場三班1650米的「太陽勇士」同樣值得睇好。
「太陽勇士」來港踏入第2季，跑了6仗仍未取勝，但北半球4歲馬開始納入正軌，上仗初配潘明輝出爭谷中一哩跑第2名，已經係在港最佳成績，該仗賽事步速偏快，而「太陽勇士」排在1檔，當然不想放棄黃金包廂位，因此跟前守好位亦係非常合理，結果直路衝刺時僅以頸位負於「大千眼界」入Q，再看看此駒身後的對手，包括有「勁好運」及「我做到」等同程好手，如此一秤，也實在值得對「太陽勇士」另眼相看了。再加上今次此駒排4檔靚位，沿用上仗守好位策略，大有機會替騎者爭取寶貴頭馬。
■長風
