東網電視
更多新聞短片
「遨遊氣泡」(右二)今朝試泥閘以第2名衝線。
1/3
經過尋晚歷史性嘅跑馬地夜賽跑10場，今朝晨課都算正正常常，唔少騎練亦有蒲頭，而焦點所在當然係第1組1200米泥閘，事關新鮮出爐嘅香港一哩錦標盟主「遨遊氣泡」有份出試，原本呢匹一哩王係由巫顯東考驗，但最終卻改咗由潘明輝做替工幫手試，最終「遨遊氣泡」沿途守第4位，拉士稍畀以第2名衝線，而贏出呢組試閘就係方嘉柏馬房嘅「仁心星」。
至於第4組泥地1050米閘原本有4駒出試，但最初交畀巫顯東考驗嘅沈廐馬「川河動駒」並無到場退出，呢組只得3駒考驗，結果由布文策騎嘅「仁仁有餘」後上掄元。另外，賀銘年老婆今朝亦帶咗囝囝嚟睇試閘，但佢老公原來冇馬試閘，佢太丸就話因為囝囝今朝早醒咗，扭計要行過嚟睇馬，所以就落嚟睇試閘囉。
「遨遊氣泡」今朝改由潘明輝做替工考驗。
賀銘年太太今朝帶咗囝囝落馬場睇試閘。
