東網電視
更多新聞短片
「華美之威」值得跟進。
一直都有人話騎師、練馬師青黃不接，但其實事實又係咪咁？年僅23歲嘅霍宏聲今季可以話真正企穩，目前已經拎到20W，成績都幾標青；而近年開倉嘅華人練馬師伍鵬志連續兩年爭冠，巫偉傑踏入第2季成績亦穩步上揚，所以騎練方面都叫有新血頂到上嚟。反觀馬圈其他崗位就真係青黃不接，不論係行家定馬場工作人員，大多年齡都接近甚至超過半百，甚少見到有30歲以下嘅人入行。依家無乜後生仔會肯咁早起身落晨操，特別呢啲工作待遇又唔比其他行業好，咁不如瞓多幾個鐘好過啦。
至於聽晚谷草，「華美之威」上場不敵「納百川」，後駒再出升班轉場照樣贏馬，「華美之威」再出無理由唔跟多次。而「超強六十」狀態絕對無問題，上仗僅負「皇帝英明」，今次繼續孭負磅，補中絕對唔係問題。
心水推介
第3場（8） 華美之威
第5場（10） 超強六十
獨贏位置過關二串一共4注
■阿子
