東網電視
更多新聞短片
董明朗今期沙田日賽5匹坐騎均由蘇偉賢提供。
南非冠軍騎師董明朗今季主要得到蘇偉賢大力支持，騎者於上周日憑「假面騎士」一出即勝，取得季內第5場頭馬，而董明朗季內5場頭馬當中，有4場均為賢廐建功。今期沙田日賽，董明朗5匹坐騎繼續全數由蘇偉賢提供，不乏邊線分子，隨時再好似「假面騎士」咁，為大家帶來驚喜。
其中第3場四班1600米，「始終如一」上仗首次增程至1400米，早段居後結果喺楊明綸胯下，喺快步速場合下後追第6，今次專程用保護權報跑增程一哩，路程相信更合腳法，抽得4檔早段可以守機動位置，隨時再跑入更近名次。
第4場四班1400米，「醒目先駒」初出跑四班1200米條件限制賽已有走勢，結果前仗跑馬地賽事以短馬頭位落敗得第2。此駒出道3仗早段留後均可後追凌厲，仗比仗進步，今次練者都刻意為呢匹「歲月洗禮」(Time Test)子嗣增程上1400米，憑爆發力再展現追勁，有權交出頭馬。
