東網電視
更多新聞短片

羅富全話原來係苗傑美問佢有冇香港經典一哩賽嘅坐騎提供。
1/2
嚟緊下周五大年初三賀歲戰,舉行4歲馬經典賽事系列首關香港經典一哩賽,共有巴米高、蘇銘倫、薛恩同埋苗傑美4位海外高手來港客串,苗傑美過往曾憑「遨遊氣泡」贏出呢項賽事,今次相隔一年再度來港客串,唔通呢個就係羅富全搵苗傑美幫手騎「壯志凌雲」出戰香港經典一哩賽嘅原因?
聽羅富全講返,原來今次並唔係佢聯絡苗傑美,反而係呢位澳洲女將問佢有冇馬跑香港經典一哩賽,而苗傑美當初係想索騎最近贏谷草1000米嘅「天天同樂」,但全哥話暫時覺得後駒未有長力,兼且既然喺短途賽事跑得好,無謂增程,所以就問番苗傑美,如果係「壯志凌雲」嘅話,是否願意效力,最終呢位女將亦立即應承。事實上,羅富全同苗傑美合作3次,攞到1亞1季,成績唔差,睇吓今次能否擦出火花?

苗傑美曾經揚威香港經典一哩賽。