東網電視
更多新聞短片
湯普新今早操完「多多勇駒」後，猛摸馬頸以示獎勵，顯得愛不釋手。
1/5
昨日年初三，鄭俊偉（米高）再次幫「友福」系傳統式贏馬，連帶馬房終止了8期不勝悶局，至於贏馬功臣湯普新也成功破了個半月頭馬荒，士氣當堂大振，嚟緊周三谷中夜賽，練騎再有打王牌報爭四班谷中1800米的「多多勇駒」拍檔攻堅，須知此駒係一匹不折不扣的三班頭馬，隨時可揭竿起義，而此路人馬今早急不及待露出搏殺手影。
7時10分，米高突然偕同副練梁明偉及兩名助手，一行4人走到終點位附近嚴陣以待，未幾「多多勇駒」即由阿湯過檔策往大圈，與廐侶「滿歡笑」拍跳800米，期間練者一度企出跑道，好想自己操埋一份咁，緊張到極點。課後，阿湯在機坪落馬後仍依依不捨，親自托完交接的女助手上鞍之餘，更猛摸馬頸以示獎勵，顯得愛不釋手呢！
「多多勇駒」(紫帽)今早由阿湯過檔，與廐侶「滿歡笑」於大圈拍跳800米，沿途毫不退讓，成功被省起心火。
阿湯在機坪親自托交接的女助手上鞍，相當體貼。
米高(最左)行出跑道睇操，緊張到極點。
米高偕同副練梁明偉及兩名助手睇操，相當大陣仗。
