東網電視
更多新聞短片
「醒目先駒」在港4戰都係由董明朗策騎。
對南非騎師董明朗嚟講，就算新練馬師兼同鄉桂福特真係支持佢，都係下季嘅事，所以今季依然要好好努力，爭取更多支持同埋成績，暫時只得5場頭馬，即使係多過湯普新、賀銘年，但真係唔理想，而喺聽日沙田賽事，佢只得「醒目先駒」、「天火同心」兩匹坐騎，情況令人擔心。
聽日尾場三班1400米由蘇偉賢訓練嘅「金勝名駒」，上季至今12戰都係董明朗執韁，但今季首戰贏完後連輸4場，今回都改用田泰安，而另一匹賢廐馬「醒目先駒」今季出道後跑4場都係用董明朗，只得1個亞軍，既然董明朗仲未被飛，今次真係要加把勁先得喇。
「醒目先駒」在港第2戰喺四班谷草1200米後上跑第2名，輸短頭位畀「綫路達飛」，證明有能力，可惜之後再跑谷草1200米同埋上仗增程跑1400米都係三甲不入，當然啱啱呢場抽13檔被迫留得太後，結果姍姍來遲，今次轉抽5檔好位，睇吓能否順利變身開齋啦。
