東網電視
更多新聞短片
「快樂高球」接連兩場於田草直路1000米跑入次席。
羅富全旗下4歲質新賽駒「快樂高球」上季曾於田草四班1400米掄元，惟及後無功而返，直至近兩場縮程跑田草直路1000米，接連兩場都跑入次席，全哥都幾滿意「快樂高球」縮程後嘅表現，他說：「上季贏完之後再跑1400米，幾場嘅表現都比較普通，試過增程跑谷草一哩，雖然沿途走得幾順，但去到最後直路隻馬唔夠，所以決定縮程。第一次如果『快樂高球』可以早少少望空，有機會贏馬；上場就全程無遮擋，但都叫跑得唔錯，只係輸畀隻初出馬『時時歡欣』。」
而「快樂高球」在港出賽以來，除初出該仗用上周俊樂外，此駒一直由布文主理，但今次卻換上艾道拿，練者透露箇中原因：「原來都係想搵布文，但佢已經有馬跑。點知去到報名嗰日，布文話原本跑隻馬無出，但嗰陣我已經搵咗艾道拿。至於點解係艾道拿，就因為重磅騎師選擇唔多，近期同多啲唔同騎師合作，睇吓同邊個夾啲。」
