東網電視
更多新聞短片
1/2
楊明綸缺陣一個多星期後，今期谷夜率先復出。騎者連日嚟已復課試閘同操馬，證明狀態冇問題，果然犀利。Keith今季已取得10W成績，近兩季成績比之前回升而穩定，騎者近季加強自身操練，務求以最好狀態發揮每場賽事，加上一向樂觀正面，結合眾多因素，相信係令到馬主同練馬師信任嘅原因。
今期楊明綸接3匹希斯馬房賽駒，其中第2場四班1200米「猛將兄」喺三班田草跑咗幾場其實有追，初降四班即戴眼罩，此乃外地贏馬配備，轉場谷草早段出閘跟番前少少，對手唔強有權得逞。
第4場四班1650米，扶輪百週年盃，「青春力量」今季喺田谷兩個場地均已報捷，自上仗後，希斯再安排上從化訓練，雖然1200米閘名次較後，但旨在輕舒步頭，3檔易守好位，可期補中。
