東網電視
更多新聞短片
1/2
周二朝有3匹參戰馬到大圈出試，「清雲龍駒」神態平淡，初起未入局；「龍船快」一貫擔高頭精神爽利，馬身喼得靚；「三軍勇將」谷起雞公頸心火湧現，勝後再進。以下是心水推介：
第1場「三代同心」之前連續5戰上名，包括前仗出戰四班，該仗出閘唔快，且大半程走三疊形勢不利，上仗爭田草敗不作準。「三代同心」今仗回師主場谷草惡氣復現，試跑唔懶依舊主動活躍，勇態冇低落。
第6場「久久為尊」上季兩關4歲系列賽躋身前列，去到上仗才贏馬少少失望，然而一係唔贏，一贏姿態極佳，並搵到最佳出路，今次抖夠操足勇態保持，更正斗係只比上仗多負1磅，連捷條件大好。
第7場「美麗緣分」上仗早段被「雷神太保」干擾，本身既冇搶口，仲要被迫沿途走三疊照贏可也，三班一定留唔住。晨課依舊豎尾，不過淡淡定放鬆，而且展步輕巧充滿彈力，狀態愈贏愈省鏡。
