東網電視
更多新聞短片
1/2
周二朝只有「常拼常勇」到大圈出試，由助手踱一圈，神色甚淡欠火，仲要馬身唔夠壯，遠遜最佳時候。以下是心水推介：
第4場「超強六十」少有用雙杆型口銜鐵的柏廐馬，目前仍有重口毛病，但比過往已轉好不少，今戰多馬走步速必快，仲要排2檔有遮擋形勢大好，睇埋2月18日出跳夠勁唔急，出腳又夠整齊，放心捧場。
第5場「安遇」近期重新振作，一連兩仗跑三級賽皆取得第4名。翻查資料，自從2023年7月26日之後，一年半之內全跑分級賽，今次終於再次跑番一班賽，谷草1650米5戰獲4冠1亞勁到爆，唔搏仲等幾時！
第9場「紅逸舍」大前仗演出稍差因步速太慢，近兩戰連奪1冠1亞，水準回復穩定，今次繼續多快馬啱晒發揮，上仗變陣咬得較前照贏，5歲馬不斷進步，勝後加7分，今戰卻比上仗輕1磅形勢好，上周四草地拍跳力追「樂加福」，狀態有進冇退，充滿氣勢。
