東網電視
更多新聞短片
周日第7場跑香港經典盃1800米，呢場4歲賽次關賽果好多馬迷都關心，不過同日另一場第9場三班田草2000米，其實都多達10匹4歲馬參加，雖然呢批馬跑唔到高獎金大賽，但若果贏到都執到114萬頭馬獎金，好多仲有自購馬150萬特別獎金添。
咁多4歲馬中，蔡約翰的「安可」最要小心出冷，呢隻美國三冠王「美式法老」子嗣，來港前倒數兩仗在2000米及1800米打疊贏，來港後熱身兩仗都輸唔遠，提提各位潘頓之前更曾經親自試1600米閘跑第5，近期綵排亦試過撲近香港經典盃熱門馬「祝願」，呢次「安可」評65分跑場三班2000米孭輕磅，用到馬房愛將艾道拿，進步少少可能已經夠贏了。
同場仲有蕭家的「恆之有道」，台型有款頭，毛色仲開始轉靚，上次跑第5輸近，呢鋪都要吼住。
