東網電視
更多新聞短片
1/2
轉眼間來到4歲馬次關香港經典盃，疫情限制解除後，近年幕後喜歡聘用外來騎師上陣，只要贏到重要大賽，當然樂意奉上出場費。單睇今場賽事，唔計客串3日嘅莫雅，都仲有5位騎師專程飛來香港，其中莫雷拉專登提早到港，剛周五為「包裝福星」作最後試跑，作為馬主見到騎師咁有誠意當然開心，且看「包裝」系能否如願，揚威大賽。
第10場三班1200米草地，「真心傳奇」上次臨場因潘頓受傷換人而且抽14檔，湯普新發揮一般，但馬匹追勢甚好。今次莫雅在陣，蔡約翰當然把握機會畀晒好馬佢跑，「真心傳奇」係其一，而且抽埋5檔，際遇改善有望還盅。此外，同場「輝煌精英」之前挑戰經典一哩賽效果一般，上場縮番落1200米即刻交回應有走勢，今場仍有三甲機會。
