東網電視
更多新聞短片

1/2
周六朝只有「一支箭」到大圈出試,由助手踱一圈,身壯色潤,步爽有力,保持最佳水準。以下是心水推介:
第6場「翠湖烈風」上次貼士首選,因為韁口愈來愈穩定,呢次落埋個雙杆形口銜鐵應該仲好,正如剛周五戴上此配備在大圈踱步,全程試來淡淡定,而踱步也罕見由布文主理,動態充滿睇頭,加上今戰多快馬啱追,一於追多次。
第7場「球星」上仗檔差全程走外疊,睇番彎位走同一路線的「玩笑」最後跑包尾,而翌戰迅即補中,可見同樣劣勢的「球星」追上跑第6名唔簡單,最近從化試大閘輕勝,表現再進一步,近日毛色淡淡哋,實則剪咗層薄毛而已。
第10場「真心傳奇」兩勝田草1200米次次蝕位後上如箭甚吸引,上仗初跑1400米更排14檔,至弊臨場換人,因而大半程搶口雖敗不辱,今仗改配莫雅威力勁得多,同時跑番1200米亦有保證,剛周一做埋加油閘,篤定補中。
