東網電視
更多新聞短片
「神煞金剛」喺谷草五班2200米兩戰得1冠1亞。
谷草五班2200米嘅賽事一直以嚟唔算多，2000年至今都係得73場，而葉楚航旗下嘅「神煞金剛」正正就係此路程專家，今季兩次出戰同班同程得1冠1亞，落敗該仗僅以頭位不敵「竣誠駒」，而後駒上到四班跑田草都入Q，證明「神煞金剛」並非等閒之輩。
然而，「神煞金剛」今仗抽到11檔，加上贏馬拍檔艾兆禮停賽，鞍上人因此換上班德禮，此乃人馬首次合作。不過大家又唔洗咁擔心，雖然葉楚航今季未曾同班德禮合作贏馬，不過呢對騎練上季至今合作成績不俗，取得3冠1亞4季，勝出率及上名率分別達8.1%及21.6%，今仗有望取得今季合作首勝。
