東網電視
更多新聞短片
「嫡愛好」試閘表現拾級而上。
蔡約翰旗下嘅初出馬「嫡愛好」將交由湯普新主理，而呢位27歲澳洲騎師早前喺一級賽1400米女皇銀禧紀念盃，策騎同主馬「嫡愛心」，最終不敵「嘉應高昇」及廐侶「驕陽明駒」跑第3，嚟緊星期三晚有機會再幫「嫡愛」系上陣，湯普新勢要把握機會幫馬主補中。
而「嫡愛好」呢匹3歲澳洲自購新馬，自去年9月至今試咗11課閘，試閘表現拾級而上，而蔡約翰一向處理初出馬有一手，今季亦已經有「首飾天空」同「跨境寶馬」兩匹3歲馬一出即勝。然而湯普新來港至今未曾幫神仙贏過馬，就睇吓佢同蔡約翰今次可唔可以取得騎練合作首W啦。
