東網電視
更多新聞短片
遊客人生路不熟，難免要向途人問路。
經濟不景氣，搵食艱難，騙徒手法層出不窮，近年政府加強宣傳防騙，港人明顯醒目咗好多，好多時有陌生人埋身sell嘢、問路或攞錢搭車，大家都識耍手擰頭，甚至裝聾扮啞。有個鑽研心理學嘅女馬主同東星講過，做緊虧心事嘅人實會心虛，所以遇到懷疑街頭詐騙，絕對可以大聲疾呼，嚇退不法分子，真係唔使怕醜。其實馬場都一樣，假如遇到神棍，記住要同附近嘅保安講，或者可以搵着住鮮明制服嘅觀眾安全主任幫手。
不過，有時呢個世界並非大家所諗咁黑暗，甚至可以好有愛的。話說有次跑快活谷夜賽，博物館對出公廁門口，有兩個馬伕開跑前喺度圍爐取暖之際，突然有兩個着住熱褲嘅外國女遊客走埋嚟問路，好大機會係問緊點樣入馬場，結果馬伕哥哥發揮好客之道，為表禮貌先整熄團火，繼而指引佢哋點樣入場，之後愈傾愈埋，好快成為咗好朋友，至於有冇順口交低兩三隻「溫拿」，就不得而知了！
初步提供:
第五場(3)有鴻利+(11)銀刺勇士
第九場(2)伊臣+(10)瑰麗人生
連贏及位置Q過關 二串三共8注
■東星
