東網電視
更多新聞短片
「客家之光」打王牌出戰谷草1800米，力謀補中。
剛剛上周三先至響谷草大長途搏殺失手嘅「客家之光」，周三晚即刻捲土重來再度參戰，呢次縮程跑番1800米，由巴度換上班德禮，當然影響唔大，更何況呢匹馬今季加盟以來，仲未有頭馬見面，以沈集成嘅作風，既然馬匹有勇態支持，佢都好想盡快幫幕後交代。
其實睇番最初報名，夜馬跑完之後，第二朝隨即就係下期夜賽嘅報名日子，結果沈集成為呢匹馬打王牌優先出賽，都表示晒佢嘅戰意，而成哥自從沙特行程完結返港，親自督師表現零舍唔同，連續兩期有馬贏，星期三晚就繼續一批谷戰專家分途出擊。
雖然今次「客家之光」排檔唔算太理想，本身跑法都好主動，而且呢匹馬亦已經摸準晒谷草性能，結合埋成哥嘅部署，當然希望盡快可以幫呢匹馬帶來處女勝利。
