東網電視
更多新聞短片
1/2
3·8婦女節，馬會專程拍攝短片訪問黃寶妮同馬術獸醫林婉彤，希望外界更了解女性喺香港馬圈發展情況，馬圈向來畀外界印象都係男多女少，不過近年香港馬會希望有更多女性投身賽馬事業。除咗香港馬圈，日本中央競馬會首位女性練馬師前川恭子正式開倉，佢將會喺今日首度派一駒出賽，而且起用女騎師永島真奈美上陣，喺當地嚟講，女子騎練組合耳目一新。
戰至季中，唔少參戰馬體力或有下降，黃寶妮有10磅減，季中支持度增加，今期騎8駒上陣，當然希望佢有好成績。不過同日賽事，霍宏聲坐騎實力好，其中第4場「一生好彩」上次抽12檔藉快步速留後追勢甚強，難怪練者決意安排增程跑一哩，雖然檔位繼續一般，但出閘順利搵到遮擋亦有權跑入前列。
