東網電視
更多新聞短片
1/2
周六朝有兩匹參戰馬到大圈出試，同樣由助手踱一圈，「包裝創新」郁身郁勢欠缺集中，慢熱馬進度平淡；「金陽飛駒」神態軒昂，展現朝氣，馬身喼得靚，有進冇退。以下是心水推介：
第4場「一生好彩」一連兩仗劣勢追近，能力非凡，四班一定留唔住，爆發力唔強但好大步，再次增程扳上1600米有好冇壞。「一生好彩」晨課懶散試跑要畀唔介意，最重要係畀落有反應，而且愈來愈輕身。
第5場「星火燎原」上仗排外檔焗住留後，更慘去到700米處被「幸運震撼」隔山打牛阻及，難得極度劣勢照入Q，反映持續進步。「星火燎原」今戰排1檔形勢有利得多，睇埋剛周四拍跳輕鬆追上充滿氣勢，放心追捧。
第10場「有目共賞」上仗熱倒直路一再碰撞以致失去鬥心，論馬曾挫「信心星」必具高質，來港前上年3月尾3歲孭重磅贏1600米，氣量唔差，扳上1800米冇問題。「有目共賞」最重要係經過上仗實戰以及近期多課操練，對於雙杆形口銜鐵這配件愈來愈適應。
