東網電視
更多新聞短片
第5場四班1650米，愛爾蘭錦標，希斯馬房「悠悠乾坤」自購馬來港前兩勝路程分別1400米及1600米，不過馬匹到港後進度平平，因此並未安排增程，只集中跑短途作熱身，今仗突然增程跑谷草1650米，莫非已到位？
「悠悠乾坤」上仗出爭田草1200米，仍以7個多身位距離落敗，紙上賽績完全冇起色，不過睇番嗰場賽事，因「鋁神」落樓而令「悠悠乾坤」曾大力勒避，喺意外發生前，「悠悠乾坤」從包尾位置力騎下逐步加速，已開始與頭馬距離逐步收窄，如果不是落樓意外，落敗距離將會收窄。
經過仄準，賽後操練工夫截然不同，「悠悠乾坤」喺對上4仗賽前都未有安排試閘，但今仗突然試咗兩課，首課從化1600米草閘，「悠悠乾坤」以留前試後跑法出試，入直路抄出外疊推騎下，拍實高分廐侶「球星」衝線，過終點後餘勢遲遲未停，從未見過咁好反應；第2課田泥1200米閘，「悠悠乾坤」戴羊毛面箍出試，沿途力留於後，入正直路後順勢向外移出，馬匹反應相當敏捷流暢，逐步加速逼近主馬群，勢頭洶湧，配件對馬匹有正面幫助，睇嚟都萬事俱備喇！
■陳志懷
