東網電視
更多新聞短片
伍鵬志(左二)與艾兆禮(右二)曾憑「玩笑」攜手贏馬。
1/3
喺今日跑馬地馬場舉行香港打吡大賽2025獲選參賽馬匹名單公布會，葉楚航透露上仗於艾兆禮胯下角逐香港經典盃表現平平嘅「優才」，將改用萬人迷蘇銘倫出戰香港打吡大賽，咁係咪代表呢位意大利好手喺今年打吡大賽無坐騎呢？
答案就唔係嘅，因為經《東網》馬經記者向伍鵬志求證，艾兆禮重獲於香港經典盃取得季軍嘅「玩笑」帥印。呢匹4歲英國自購馬今季7戰得2冠3季，前仗正正喺艾兆禮胯下贏二班田草1600米，擊敗舊馬「勁速威龍 」、「陽光勇士」，但剛戰改用田泰安角逐香港經典盃只得季軍，今次與艾兆禮故劍重逢，自然令人期待。
咁田泰安冇咗「玩笑」，唔通打吡要坐冷板？又唔係喎，因為「桃花開」馬主桃花團體成員曾祥顯透露，愛駒將由安仔策騎角逐打吡大賽。
「玩笑」(左)前仗田草1600米擊敗一眾舊馬掄元。
桃花團體成員曾祥顯(右)透露「桃花開」將配田泰安跑打吡。
