東網電視
更多新聞短片
「信心星」(左)前仗於田草1400米被貶落亞軍，今次重返此程具威力。
今期沙田日賽，布文一共策騎9駒上陣，布文全日手執不少實力坐騎，當然受到唔少人關注。布文9匹坐騎之中，其中第4場四班1200米「跨境寶馬」上仗一出即勝姿態輕鬆。吸收過一次出賽經驗後，當然期待馬匹可再下一城。
至於第10場三班1400米田草，呢場賽事同樣有布文上場騎過兼贏埋嘅「首飾天空」，不過佢今場就騎咗柏廐「信心星」。布文表示，其實兩駒之中自己係要做選擇，但「首飾天空」今次升班負123磅，自己就造唔到磅，所以今次就騎番「信心星」，而「信心星」上次出戰1800米香港經典盃出閘一般，而且沿途搶口難留，部分時間需走三疊無遮擋，際遇欠佳，而「信心星」係一匹如果畀佢走得舒服佢係會交到表現嘅賽駒，今次縮程返1400米更合發揮，馬匹仍處佳態，大隻馬負重磅一樣冇問題。
雖然布文今次騎唔到「首飾天空」，但佢都話「首飾天空」令人期待，而且仲有進步空間，上場隻馬最後200米有少少迷失，今次升班對手唔同，「首飾天空」要再進步先可以證明自己卡士。
