東網電視
更多新聞短片
「太陽高高」賽前從化操足，周俊樂更北上親試大閘。
打吡入圍名單已公布，今屆情況較特別，形勢十分平均，不如以往有三數匹星味較濃的賽駒，正如評分最高的「球星」，4歲馬已出賽18次，就算贏到打吡，也很難想像可以更上層樓。
周三谷賽五班1650米，「威威父子」近兩仗落五班都後追第4，實力明顯有多少優勢，可惜的是跑法太被動，尤其谷草若然抽個外檔，早段更落後下實難反先，故退為次選，首選揀容廐「太陽高高」，上季插三班67分自購馬，在上手馬房賀廐6戰全敗，上季尾轉投容廐首戰跑今次途程走勢已有進步，今季初出泥地落敗，接住兩戰同程外檔都輸形勢而敗，前仗乃首度跑五班同程，守好位末段有機會爭勝之際抽起勒避，難得修正後又再追前，結果得第5名只輸個多馬位，上仗又轉跑泥地大敗不能作準，今仗返最佳途程，自購馬跌至35分已有迴旋餘地。■西門獨
