東網電視
更多新聞短片
上季打吡都係已短距離分勝負，「大至尊」只贏頸位。
有機會入馬房探訪名駒！快投選你最喜愛香港打吡馬匹！
禮拜日就係4歲功名，一生一次嘅香港打吡大賽，14匹4歲佳駟爭逐呢項殊榮。今屆打吡參戰馬實力平均，唔少人都覺得應該係近年競爭最激烈嘅一屆，應該會鬥得好精彩。不過，睇番對上幾年嘅打吡大賽，都係均短距離分勝負，唔通今季又會再嚟多次？
翻查資料，原來最近一次打吡頭馬係贏1個馬位以上嘅，已經係2019年嘅「添滿意」，以個多馬位之先擊敗「夏威夷」掄元，其後連續5屆都係短距離分勝負，兩大馬王「金鎗六十」、「浪漫勇士」喺打吡分別贏頸位及頭位，「大至尊」上季就只係條頸，前屆「遨遊氣泡」以短頭位險勝，「達心星」亦只是頭位氣走「將王」，就知呢幾年嘅打吡真係鬥得好燦爛，睇吓今季會唔會再次出現要影相分勝負嘅場面啦。
