東網電視
更多新聞短片
羅富全有機會炮製另一匹5捷馬。
1/2
羅富全尋日憑「八仟財陞」建功，季內頭馬已增至30場，成績不俗，要數今季羅廐代表作，肯定係上周三拎到季內第5W嘅「美麗緣分」，而喺今個禮拜三沙田全泥宴，全哥又有機會炮製另一匹5捷馬，就係角逐第8場三班泥地1650米嘅「天威」。
今季加盟羅富全馬房嘅「天威」，自季初首戰跑咗場谷草1200米後，就集中於泥地攻堅，7戰得4冠1季2殿未甩過獎金，認真犀利。不過，最特別係今季對上3次泥地夜賽，「天威」就有份上陣，結果全部贏晒，堪稱夜泥之王，今次再跑番夜泥1650米，繼續由好拍檔楊明綸執韁，加上呢場係85分上限賽事，令此駒比上次孭少兩磅，睇吓能否成為全哥今季另一匹5捷馬之餘，亦令佢維持夜泥嘅完美賽績啦。
「天威」今季跑3次夜泥全勝。
