東網電視
更多新聞短片
潘明輝(左)和姚本輝今季合作愉快。
1/3
姚本輝近期成績甚好，最近3期賽事，姚廐已豪取5場頭馬，當中一場仲要係「直線力山」贏1600米G2主席錦標。「直線力山」贏馬，除咗馬匹狀態好之外，鞍上人潘明輝出色發揮應記一功，而潘明輝騎「直線力山」取勝，仲要同同主馬「百賀飛駒」跑法類近添！火車潘今季同輝哥合作愉快，騎練季內合作贏咗6場頭馬，今期沙田日賽，雙「輝」再有兩駒合作，當然可加予重視。
其中第4場四班1600米，「心福」在港4仗短途賽事均居後而回，但其實與頭馬距離唔遠，練者上仗已刻意安排此駒增程至一哩，但上仗「心福」入入亮相圈不安被著令退出，結果工夫重新做過。今次「心福」初戴耳塞出戰一哩並抽7檔起步，冷門隨時有驚喜。
另外第10場三班一哩，「皇仁歡星」季內曾在潘明輝胯下贏同程條件限制賽，不過之後兩仗再出因外檔而際遇欠佳，今次終於抽番2檔，早段形勢改善可望重啟勝門。
潘明輝(黑帽)為「心福」作最後試跑。
「皇仁歡星」季內在潘明輝胯下贏馬。
