東網電視
更多新聞短片
無論係平嘢定貴嘢，王菲都一樣買得好投入，女人真係鍾意購物嘅啫。
1/3
天后王菲雖然身家以億計，但唔好以為佢淨係鍾意買貴嘢，以買嘢逛街為樂嘅王菲，連平價運動用品店都一樣逛得咁開心，而且仲樣樣嘢都咁鍾意，真係估佢唔到。
嚟親香港行名店都絕不手軟嘅王菲，日前被拍得在北京一家平價運動貨品超市現身，一身casual打扮嘅王菲，對店入面幾十蚊到一百蚊人民幣嘅運動衫勁有興趣，周不時拎上身左拼右拼，雖然啲衫咁平，但作為精明嘅消費者，王菲一樣摸過度過先至買，發揮平時難得一見嘅「慳妹」一面。雖然啲衫平成咁，但王菲埋單嘅時候都要成二千幾蚊人民幣，證明佢真係好鍾意買嘢。
而之前盛傳大肚嘅王菲，現場所見身形相當fit，完全唔見肚凸凸。
王菲買嘢時不斷細心研究款式同質地，證明佢係一個精明消費者。
有資深粉絲話，王菲真係好鍾意行街o架。
