王梓軒撐媽咪冇「撻朵」

歌手王梓軒以宣傳大使身份出席灣仔琴行旗艦店慶典時，透露自己從小已經常常在該琴行購買樂器，更覺得身為年輕創作歌手，希望可以用音樂人身份影響其他人。王梓軒還自爆17歲時，曾經借3萬多元買古典琴：「淨係還錢都還咗兩年！」其後，提到有傳王梓軒跟母親欣賞國際電影節的電影時，王母向電影節職員「撻朵」稱「我係王主席太太」而獲換較佳位置，王梓軒的父親王英偉為藝術發展局主席，王梓軒被冠上「主席之子」。<br/>王梓軒表示早前已為事件平反過：「當日我爸爸冇嚟，我同媽咪做代表，咁人哋問呢位女士係邊個，我媽咪就話係王英偉太太，咁係好正常嘅事，我喺現場，我撐我媽咪，佢唔係用嗰個語氣。但我爸爸係冇特權，佢做嘅嘢都係義務，希望大家搞清楚個情況先。」<br/>問到可有為此事感到唔開心，王梓軒直言覺得母親非常無辜，而自己都有氹番媽咪，希望可以為母親澄清。