東網電視
更多新聞短片

右手挽住剛出世嘅愛女,左手攬住愛妻,譚俊彥真係幸福到震!
1/4
剛做老竇的藝人譚俊彥早上接太太任祉妍及女兒出院,譚俊彥挽著BB汽車安全椅與太太現身,兩人應傳媒要求連咀兩次,甜蜜到爆!
譚俊彥表示太太會以人奶餵BB,笑謂自己是夜班餵奶師。剛做媽媽的任祉妍表示開刀分娩後康復得很好,傷口也沒感到痛楚,講到老爺狄龍恨抱男孫,她說:「順其自然。」
譚俊彥被問到做老竇心情緊張嗎?他說:「唔緊張,床仔、衫都準備好晒。(學咗湊BB未?)做咗好耐功課,我就係陪月,可以請我,湊BB各施各法啦,以前主持醫療節目,拍檔就係婦產科醫生。(有冇啲禁忌,太太唔洗得頭?)其實即刻洗頭都得,以前冇風筒先唔得。(煲湯畀太太補身?)頭一個禮拜就唔可以食魚驚有疤,過一星期就可以食魚幫助谷奶。」
譚俊彥七月會返内地拍劇,這段時間可以全程照顧太太及BB,問拍劇會不捨不得BB?他說:「會呀,呢兩晚已經好唔捨得,夜晚都要開啲BB相嚟睇,好想快啲帶佢返屋企。」

一家三口出院,譚俊彥話自己就係陪月,得唔得架你?

咀完又咀,雖然係應記者要求,不過相信佢哋呢一刻都好想擁吻對方。

老爺狄龍同太太陶敏明昨日到醫院探孫女。(資料圖片)