李施嬅演技得汪明荃三次肯定：感動到想喊

李施嬅（前名李詩韻）在無綫正播出的劇集《風雲天地》飾演年輕版汪明荃，角色十分坎坷、沉重，既經歷喪夫之痛、又幾乎被姦及去到山窮水盡地步，她形容是《大時代》的濃縮版，李施嬅說：「幾乎每日都喊足十六個鐘，喊到眼腫，每朝要用冰凍茶包敷眼消腫，拍嗰陣天氣又熱成四十度，體力消耗好大。」

雖然拍攝時間緊迫壓力巨大，但回報也十分大獲汪明荃大讚，李施嬅說：「最開心係阿姐先後讚咗我三次，話我演到嗰份味道，當時真係感動到想喊，辛苦都係值得，阿姐讚賞係好大嘅驚喜，開心到好似中六合彩咁。」李施嬅當然希望將來有機會與汪明荃合作演對手戲，她說：「畀佢讚完仲大壓力，如果合作更加要打醒千萬分精神。」