網民熱話：《鬼同你OT》女神楊秀惠

一星期播足七日嘅無綫劇集《鬼同你OT》近日成為熱話！可以有咁多粉絲力捧唔係無理由架，出動視帝陳豪視后田蕊妮（阿田）不特止，仲有「最佳女配角」胡定欣錦上添花，演員班底可謂無懈可擊！繼早前阿田同胡定欣「神同步」，以同樣嘅動作表情喺同一時間講同一句對白，今次網友又再發掘到另一亮點，就係會睇到人流晒鼻血嘅「蜘蛛精」楊秀惠！<br/><br/>不斷「施法」誘惑陳豪嘅楊秀惠喺劇中出盡絕招，其中有幕用腳情挑陳豪時，搞到男方慾火焚身，個樣Enjoy到～女神又頻頻以低胸貼身裙上陣之餘，仲不時抬起美腿、谷盡上圍大玩埋身戰，睇到班網民鬼咁肉緊！仲紛紛喺網上大讚佢副完美嘅bo～dy：「好正呀！佢對長腿真係殺死人！」更有人話佢同個角色已經去到分唔開嘅境界：「個角色根本係為佢而設！入型入格到呢～」<br/><br/>網友們除咗點名大讚秀惠外，對阿田同胡定欣嘅角色設定亦非常滿意：「仲有！田蕊妮夠晒神化，個樣又傻傻更更咁，孫淑梅真係好啱佢做。」而定欣個霸氣Look又演到入型入格，真係演唔住用「剛柔並重」去形容佢！<br/><br/>網民有話兒：<br/><br/>CCxxxx17：好正呀！佢對長腿真係殺死人！<br/>manxxxx：個角色根本係為佢而設！入型入格到呢～～<br/>poxxh：田蕊妮夠晒神化，個樣又傻傻更咁，真係好岩（啱）佢做。<br/>alixxxhuy：胡定欣個女人強人look好正，串（寸）得黎（嚟）又不失溫柔一面！<br/>ashelyxxx：怕醜仔陳豪都可愛，最鍾意睇佢扮老實敦厚嘅書呆子樣。