前餅女馬思恆回流香港幫助精神病患者

前Cookies成員馬思恆（Helena）退出娛樂圈，花八年時間讀了兩個碩士學位，分別是婚姻家庭治療師及藝術治療，正修讀博士學位的她自爆早年曾經患有抑鬱症，她指組合Cookies 2003年解散，Helena說：「可能嗰時年紀細，Cookies出道嗰一年不停做，嗰陣嘅生活剩係工作，Cookies好似我唯一嘅生命，之後突然解散冇咗工作，覺得好迷惘，係好唔開心，好多時匿埋喺屋企，成日小小事就喊，好情緒化。嗰時唔知（有病），依家睇番可能係輕微抑鬱，都持續咗半年至九個月左右。」最後她用畫畫、手工藝抒發自己，走出抑鬱陰霾。

籲唔好標籤同歧視精神病患者

Cookies解散後不久她就遠赴美國加州繼續學業，已經成為持牌婚姻治療師兼藝術治療師的Helena，在加州讀書居住了將近8年的她，她已計劃修畢博士學位後回流香港發展，幫助精神病患者。在美國多年她做過很多有關精神病治療工作，她說：「我第一個病患者係有嚴重分精神分裂，其實近年見到多咗藝人肯出來講自己有抑鬱病、燥鬱症，係幾正面，其實有情緒病係好平常，西方文化同香港文化好唔同，可能中國人比較要面子，覺得家醜不出外傳，但西方人覺得有病咪醫，唔會覺得有自己好唔正常。」早前她就回港參加國際表達藝術治療協會國際會議，藉住分享她的研究題目，在社區幫助精神病患及情緒病人，希望他們不再被人標籤及歧視，她說：「雖然美國人工、機會都多啲，但美國好多人做緊呢樣嘢，我始終係中國人，香港喺我成長嘅地方，我好想回饋社會。」