東網電視
更多新聞短片
邊個話女仔唔打得？
1/10
「Mandy Lieu師妹」陳嘉莉（Kelly）以參賽者身份出席中國香港綜合搏擊運動總會舉行的邀請賽，Kelly透露今次處女下海，更為比賽鍛練了半年，笑指身邊人相當緊張，令她也變得緊張起來。問到會否怕受傷？她謂：「唔驚，今次會戴晒護面、護甲，而且都冇留指甲。」
唔怕周身瘀
問到有否觀賞ViuTV的節目《G-1格鬥會》？Kelly表示有捧場，但近排因忙於練習未有再追睇。對於參與的女星打得兇狠兼是非連連，她謂：「見到佢哋打得幾開心，咁先至好睇嘛！」眼見Kelly練到雙腳瘀傷，她表示僅是皮外傷，更指參賽主要想體驗上台後腦袋一片空白感覺。
有對象了解中
談到她如此打得，有否擔心沒有異性敢埋身？Kelly撒嬌謂：「唔會，係愛我就愛我架啦！(有男仔追？）依家有了解中嘅對象，係圈外人。（識打拳？）唔係，其實我想對方成熟穩重，唔可以太o靚仔同要高過我。（同埋唔可以打人？）可以同我過招，真打就唔好喇！相信佢會畀我打多啲，練習吓都好嘅。」
慘敗處女拳賽
而賽前滿有信心的她，於經過三個回合後，最終也戰敗收場，但仍獲獎牌作鼓勵，事後她表示未為此失望，自言因早前病了兩星期，未有準備充足所致，再加上後勁不繼，但揚言會再接再厲，稍後還會繼續參加其他比賽。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：
其實女仔打起上嚟都可以好狠！
呢個角度睇更清晰，可以見到周圍啲觀眾都睇得好肉緊。
不過對手嘅實力亦唔弱。
雙方開賽前專心聽評判指示。
Kelly（中）為比賽鍛練咗半年。
兩女鬥得難分難解。
比賽開始後，Kelly（中）招招狠，仲使出飛毛腿絕技！
難怪Kelly處女下海比賽亦唔似新手。
雖然Kelly最終戰敗，但仍獲獎牌作鼓勵。
