東網電視
更多新聞短片
本鄉奏多話自己唔鍾意食嘢，所以唔需要女友下廚，寧願對方喺便利店買軟糖俾佢。
1/2
曾演過真人版《進擊的巨人》0既25歲日本男星本鄉奏多，出名係圈中宅男，只要唔使開工就會留喺屋企打機，有時打機打到廢寢忘餐，仲只喺食軟糖充飢。噚日，本鄉奏多出席一個為大學新生打氣0既活動舉行Talk騷，被問到會想同女朋友到乜嘢地方約會時，本鄉竟然答：「我其實唔多鍾意出街，所以都係留喺屋企好啲，不過話時話我都唔多鍾意見人。」
之後，本鄉被問到鍾唔鍾意約會時，女友親自下廚？佢又答：「其實我唔鍾意食嘢，與其煮嘢食，我寧願佢喺便利店買軟糖俾我。」不過，本鄉唔係只得咁cool 0既一面，當日talk騷時，原本坐喺度0既佢，怕後排fans睇唔到，特別企喺身，全程都企喺度受訪。
本鄉奏多係藝能界出名宅男，所以約會都揀留喺屋企。
