等足11年！克勤獲曼聯「回禮」
20160522
東網電視
更多新聞短片
克勤喺2005年嗰陣一次送禮事件搞到家傳戶曉，今次佢終於等到曼聯回禮啦。
「魔迷」李克勤是曼聯（紅魔）忠粉，他獲曼聯邀請，與太太盧淑儀飛到英國觀看曼聯對水晶宮的足總盃決賽，在球場內與曼聯一班名宿高爾（Andy Cole）、白賴仁笠臣（Bryan Robson）及艾雲（Denis Joseph Irwin）合照，十分興奮！
克勤今日接受《東網》長途電話訪問說：「今次係專程去睇波嘅，因為你知曼聯呢三年成績都係普普通通，咁難得入到足總盃決賽，當然希望親身去現場Support，尋日打到79分鐘（曼聯）輸緊一比零，我同我老婆個心都冷咗一截，好彩後尾能夠反勝。」
下次想同仔仔睇
克勤更獲曼聯送波飛、波衫及接待，他說：「曼聯將會喺北京、上海等地有個tour，佢哋希望我可以同佢哋做吓宣傳，想我哋同埋啲小朋友一齊去睇，但係今次剩係得我同老婆，希望暑假嗰陣啲細路仔放假，可以一齊睇，我屋企啲細路仔今次冇得睇，知道爹哋有得睇足總盃決賽，就大叫：『Oh！My God！』」
繼續「送禮勤」
2005年克勤送紀念品給來港作賽的曼聯，賽後發現紀念品被棄置在球員更衣室，相當尷尬，事隔十一年曼聯終於「回禮」，克勤笑說：「等於你喜歡一個女仔，唔一定要有啲咩回報，我喜歡你，咪盡量做啲令你開心、自己又開心嘅嘢，咁今次咪當個女仔覆番你個短訊囉，其實冇乜嘢！」送禮事件突然變成收禮事件，克勤說：「如果周邊一啲事令觀眾茶餘飯後有啲話題，我樂意去做，唔會尷尬。好似送禮事件大家覺得開心嘅，我咪繼續送，冇乜所謂，亦唔會覺得今次收禮係乜嘢，有啲人話你係咪報番個仇，唔好咁啦，大家輕鬆面對。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：