東網電視
更多新聞短片
呢個父女版《太陽的後裔》，夠晒溫情洋溢，唔睇走寶。
1/16
藝人岑日珈（Angie）跟爸爸一向感情深厚，藉着父親節，她跟爸爸應《東網》邀請拍攝溫馨版《太陽的後裔》，跟大家慶祝佳節。
兩人翻拍熱爆神劇《太陽的後裔》綁鞋帶經典一幕，不過今次角色調轉，由Angie顯孝心幫爸爸綁鞋帶。拍攝時兩人態度專業，認真時認真，搞笑時搞笑，等埋位時Angie不時對爸爸噓寒問暖，而爸爸望着她的眼神又總會特別溫柔，處處流露溫馨！
嚴母慈父
拍攝完畢後，Angie大讚今次拍攝相當好玩，亦踢爆雖然爸爸外表很惡，但其實是玩得之人：「我屋企係嚴母慈父，媽咪惡好多。（爸爸有冇鬧過你？）佢由細到大真係好少鬧我或打我。」
Angie亦慨嘆現時工作忙碌，少了時間跟家人相處，故會份外珍惜：「爸爸喺生果舖由朝做到晚，得閒時間可能得夜晚10點至12點，大家可以相處嘅時間就係得嗰兩個鐘，所以會好好珍惜，不過爸爸開始年紀大，有時都會叫佢早啲收舖休息。」
逼爸爸停工慶佳節
講到父親節即將來臨，Angie直言最想爸爸當日可以休息：「過往父親節佢都係開舖，我都會落舖幫手，只要我喺度爸爸就會好開心，啲街坊又會湧過嚟讚我好乖，但今年我就迫佢停工一天，因為我覺得點解佢要咁辛苦，係佢嘅節日嚟㗎嘛，所以嗰日決定一齊行街同買餸煮飯，我都會親自下廚。」她亦謂已買皮帶作父親節禮物。
「寧願我辛苦都唔想爸爸辛苦」
問到可會想快些賺夠錢讓爸爸退休，作為送給他的最佳禮物？Angie表示：「爸爸心律不正，每個月都要覆診，有時佢搬搬吓橙就會扯晒氣，要坐低休息，對於一個年紀大嘅人嚟講係比較危險，唔知邊次係會......大吉利是。」之後她感觸坦言希望爸爸可以在明年退休：「爸爸出年就7字頭，唔想再見到佢咁辛苦，諗起以前細個我望佢係好高，但依家調番轉我高佢咁多，有少少心酸，覺得爸爸真係老咗，寧願我辛苦都唔想見到爸爸辛苦。」她亦坦言曾想快些找個男友帶給爸爸看：「因為爸爸都有咁上下年紀，會唔會都想我快啲搵番個伴？但後來又諗呢樣嘢唔可以急，唔可以為搵而去急，不過爸爸都冇催我。」
不停進出醫院：曾嘔黑色物體
另外，講到Angie今年不停進出醫院，本月初她又因食道潰瘍而再入醫院：「之前病咗三個星期都唔好番，直至有晚突然好暈、想嘔、發燒，瞓醒第二日仲嘔咗啲黑色物體出嚟。照完內窺鏡後，發覺原來係食道潰瘍，但因為食道喺心隔籬，所以食嘢個心就好痛，依家都要keep住食藥，食嘢前又要食胃藥同防胃酸倒流嘅液體。」雖然今年流年不利，但樂觀的她則謂小小苦楚等於激勵，身為孝順女的她更謂寧願自己病都不想爸爸病。
想睇岑日珈幫爹哋綁鞋帶有幾溫馨？可以上《東網巨星》同《東網》FB睇片。
《東網巨星》fb連結： http://goo.gl/mxW84H
《東網》fb連結： http://goo.gl/dj4SvK
岑日珈同年邁父親感情勁好，成日手翹手咁。
眼見自己依家高爹哋咁多，岑日珈直言有啲心酸，唔通因為咁，所以佢擺咗個咁嘅甫？
再自拍。
佢仲話好珍惜同爹哋嘅相處時間。
嚟多個近鏡。
岑日珈話爸爸係慈父。
岑日珈同爹哋玩自拍。
自拍完嘅指定動作，梗係睇番張相靚唔靚啦！
呢個時候，戲肉嚟喇，父女版《太陽的後裔》上演喇。
岑日珈向爹哋送上親吻一個。
而且做嘢好辛苦。
又玩餵雪糕。
岑日珈話情願自己辛苦啲，都希望爹哋早啲退休。
真係好溫馨。
岑日珈今年不停咁出入醫院，之前就因為食道潰瘍再入醫院。
