陳志雲怪鄧健泓叫Honey：聽完知佢死硬

資深傳媒人陳志雲日前接受有線娛樂新聞台主持鍾慧冰專訪，更被對方大逼供「性取向」，對此陳志雲焗住答話：「呢個人最緊要係同我一樣咁愛對方！係咪男女都得？等我感覺到愛先諗呢個問題啦！其實我已經57歲，呢個年紀，已經唔諗呢啲㗎喇！」講到「迷雲黨」均是男生，「黨員」之一的鄧健泓更曾以「Honey」稱呼令志雲成為笑柄，對此志雲笑道：「當日佢話自己答到好好時，我聽完已經跌咗落地話佢死硬！佢係咪唔識英文唔知Honey點解？」又強調與對方純屬朋友。