岑杏賢搵師傅教擺桃花 袁偉豪點算好　

藝員岑杏賢（Jennifer）於觀塘apm商場出席活動，與多位生命鬥士分享新一年願望。講到元旦日便要工作，Jennifer透露新一年有事業桃花，曝光機會不少：「之後會去雲頂做華姐評審，同蘇民峰師傅合作風水節目新年會播。（向師傅請教吓？）有呀，都想旺個桃花位、可以多啲嘢做，師傅有教我擺桃花位，可惜屋企做唔到，佢話可以擺個音樂盒喺廁所，遲吓去買先得。」<br/><br/>唔再講復合<br/><br/>問到不想要愛情桃花？Jennifer笑說：「想要人緣多啲，工作緊要。（有冇男士追求？）暫時感覺唔到喎，順其自然。（抗拒圈中人？）唔會，順其自然。」Jennifer透露除夕夜與家人度過，問有否傳新年短訊給前男友袁偉豪？她表示：「有呀，send咗畀好多朋友，佢都有send畀我。（佢搬返同一個屋苑方便照應？）個屋苑都好多藝人住，係方便返工嘅。（佢轉口風話放低咗感情，係咪你明確拒絕咗佢？）我哋已經冇講呢個話題，唔想喺度停留太耐。（佢話享受單身？）都會祝福佢。」<br/><br/>__________________________<br/><br/>想聽歌？想睇MTV？想了解本地Indie Band資訊<br/>快啲click入「聲大夾樂」專頁： http://on.cc/musicon