「少年五虎」呀！朱健鈞搵人仔唔返無綫

久未露面的藝人朱健鈞現身健康快車基金會理事會就職典禮，他透露現時主力在內地拍劇，早前拍攝的內地劇集將播出，問到會否考慮回巢無綫？他有所保留地說：「暫時唔會住。（人仔好搵啲？）唔可以咁講，但內地機會多啲，無綫就遲啲再諗。」

農曆新年留港陪兒子

他表示農曆新年無需工作，會留港陪兒子：「我都係喺香港住，有工作先返內地，一拍劇就要喺大陸兩、三個月，所以留喺香港都係陪仔，佢依家三歲半，要好好珍惜童年階段陪佢，去咗拍劇都會好掛住小朋友。（離開太耐，囝囝會唔會唔認得你？）唔會，因為有視像，可以日日見。（會唔會再生？）暫時唔會，做家長好辛苦，依家啲小朋友好醒，做父母要同佢鬥智鬥力，男仔又比較精力充沛。」