東網電視
更多新聞短片
Supper Moment殺到澳門開騷！
1/6
樂隊Supper Moment（SM）剛在澳門舉行《溫柔革命》十周年演唱會，SM一口氣演繹過去十年多首大熱經典之作，數千名歌迷更與偶像大合唱。SM接受東網訪問，他們說：「今次係Supper Moment第一次以演唱會形式喺澳門開騷，估唔到第一次就喺咁大個場唱，係好開心，成個體驗好好。」SM表示今次能守四年前承諾與澳門樂迷的約定開騷很開心，他們說：「個場地set up、配套好好，近年我哋做歌嘅想法，希望做live嘅時候，係可以做到arena嘅音效，呢個場地真係做到呢個效果。」
講到今次開騷最難忘的事，SM笑言是第一日到場館set up時：「未開騷前，場館啲保安好似對住軍人訓話咁，好認真嘅，喺場館由頭行到尾，陣間要點要點。」SM形容今次開騷尤如一個大size紅館版，他們說：「不過紅館斜啲，但呢度場地就深啲，開騷前我哋特登去到每一個位置坐吓、感受吓，試聲時聽到自己嘅作品喺一個咁空曠地方播出嚟，感覺係好難忘，好難用筆墨嚟形容，係好感動。」在舞台上他們帶着耳機，主要聽音樂，但今次依然聽到觀眾跟他們合唱的聲音，感覺好震撼！他們說：「有香港歌迷專程來澳門支持，佢哋喺網上都話澳門樂迷好癲，佢哋好熱情。」
完騷後他們也特別去擦餐勁，其中一間餐廳他們每次到澳門必定幫襯，他們笑說：「因為呢間餐廳啲海鮮、生蠔、海膽好新鮮，抵食，佢哋啲牛扒仲係18安士，好勁，值得推介吓。」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
SM主音Sunny好有台風。
SM開騷前特登去場地唔同位置感受音質。
SM坦言今次開騷觀眾反應好好。
有香港歌迷專程去澳門撐SM。
SM表演落力。
