東網電視
更多新聞短片
周沂表示只要是音樂的工作她都有興趣做。
1/3
轉戰幕前的音樂人周沂到電台宣傳自己創作的首隻主打歌《Black Hole》，她表示這首是英文歌，之後會推出國語歌，壓軸才會推出最喜歡的廣東歌。講到此曲內容，她說：「黑洞，即係好似有啲嘢將自己拉落地獄，但到最後搵到希望。有啲人會靠信仰拉番出嚟，我都搵咗hip hop牧師Jaeson Ma嚟rap呢首歌。」問可有不如意事發生過？她坦言：「曾經有段時間抑鬱，有啲人走唔番出嚟，但我可以走番出嚟，令我堅持嘅係音樂，總之一日我仲做緊音樂，冇嘢係唔開心。」
談及在患抑鬱症期間的情況，她感覺當時的家庭、愛情、事業同一時間跌入黑洞內：「好抑鬱呀……嗰陣仲後生，冇經驗，好似世界末日咁，要睇心理醫生，好似痴咗線咁，依家睇番嗰段日子真係唔容易，但我都可以起翻身，其他人都可以。（幾時有呢個病？）三年前，但用咗兩年時間完全康復，嗰陣去咗好多旅行，又寫歌，同埋有好多好朋友對我好好，我鍾意音樂，係可以用全部時間同資源做音樂。（所以直情由幕後轉到幕前？）其實我冇分，都係想做音樂畀大家認識，總之關於音樂我都想做，如果唔做幕前，只係做製作我都好想做。」
講起音樂，周沂就停唔到口。
周沂跳出幕前，充滿信心。
