加盟華納第一炮 許廷鏗6.12出新歌

20170602
東網電視
更多新聞短片
據知許廷鏗新歌將會喺6月12日推出。

歌手許廷鏗(Alfred)約滿無綫旗下的星夢唱片,東網早就率先爆他會過檔華納唱片,雖然之前傾約過程有少少阻滯,但上星期東網已爆Alfred已經秘密與華納簽約。今日凌晨Alfred在社交網上載一段片,內容:「每個人記憶中都有屬於自己的號碼。」接住就見到「#2868」,之後他留言:「你這刻想到的是什(甚)麼號碼?」同時間,在華納唱片的專屬官網,同樣上載同一條片,印證了Alfred跟華納的互動關係。

今日東網向華納董總經理李仁佳(Gordon Lee)求證,Gordon承認許廷鏗加盟華納這大家庭:「係呀,之前一直傾緊,但未係一個最好嘅時候可以同大家分享,依家可以正式話畀大家知Alfred已經成為華納其中一個歌手,我一直好欣賞Alfred嘅才華、歌藝,好開心終於可以羅致到佢加盟華納,好快就有佢嘅新歌。」據知「2868」這組密碼是Alfred加盟華納的新歌有關,新歌將於6月12日就推出。