東網電視
更多新聞短片
張寶兒（左）話佢成家人都係感情好豐富嘅人。
1/4
藝人張寶兒現身「香港動漫電玩節2017」，出席「myTV SUPER Supreme動漫巡禮」，對於細妹張寶欣在《2017香港小姐競選》台北拍攝期間，突然爆喊，寶兒說：「哈哈哈，有朋友話畀我聽阿妹喺台灣喊，其實我哋成家都係感情好豐富嘅人，所以對於呢件事，我唔覺得好驚訝，對佢都好，可以抒發情緒。（係咪因為家姐嘅關係，變咗傳媒焦點而壓力大？）每個參選嘅女仔都有壓力，如果將啲壓力食咗佢，或者喊出嚟，都係好嘅， 阿妹好叻呀，可以喺咁多人面前喊出嚟！」
問到寶兒有否打電話關心妹妹？她說：「有WhatsApp佢，佢都係睇到其他佳麗演戲，佢投入咗，所以觸動到喊。我都試過上進修班嘅時候喊，搞到大家圍埋嚟問咩事，我同阿妹都係睇戲易投入嘅人，讀書時試過攬住一齊喊，有人可以畀你攬住喊，都係幸福事，不過都可以攬住一齊笑嘅。」
張寶兒仲讚妹妹好叻，可以喺咁多人面前喊。
張寶兒覺得將壓力抒發係好事。
張寶欣喺台北拍攝期間突然爆喊。（資料圖片）
